Butuan City – Arestado ang isang High Value Individual (HVI) at isang lalaki sa magkahiwalay na buy-bust operation ng mga awtoridad sa Butuan City nito lamang Lunes, Enero 23, 2023.
Kinilala ni Police Colonel Marco Archinue, City Director ng Butuan City Police Office, ang dalawang suspek na sina alyas “Judas”, 30, residente ng Purok 5 Andaya, Brgy. Fort Poyohon, Butuan City; at alyas “Joshua”, 23, residente ng Purok 14, Brgy. Pagatpatan, Butuan City.
Ayon kay PCol Archinue, bandang 3:30 ng umaga nang ikasa ang operasyon kay alyas “Judas” sa Pareja Subdivision Purok 8, Barangay Bayanihan ng mga tauhan ng Butuan City Police Station-3 katuwang ang PDEA kung saan nakumpiska kay “Judas” ang nasa humigit kumulang 2-gramo ng hinihinalang shabu at may Standard Drug Price na Php13,600.
Samantala, 5:30 ng umaga naman nang isagawa ang kasunod na buy-bust operation ng mga tauhan ng Butuan CPS-3 na humantong sa pagkaaresto ni alyas “Joshua” at pagkakumpiska ng 3-gramo ng hinihinalang shabu na nagkakahalaga ng Php20,400.
Nahaharap ang dalawang suspek sa kasong paglabag sa Section 5, 11 at 12, Article II ng RA 9165 o Comprehensive Dangerous Drugs Act of 2002.
“We are firm in our commitment, and we will do better to keep Butuan a drug-free city,” pahayag ni PCol Archinue.
Panulat ni Patrolman Jhunel Cadapan/RPCADU13
