Misamis Oriental – Arestado ang dalawang lalaki matapos manakit ng isang pulis na sumita sa kanila sa pag-iinom sa Public Cemetery, Purok 5, Brgy. San Martin, Misamis Oriental nito lamang Martes, Nobyembre 1, 2022.
Kinilala ni Police Major Marion Serrano, Officer-In-Charge ng Villanueva Municipal Police Station, ang dalawang suspek na sina Glen S Aying, 39, residente ng Sitio San Roque, Valencia, Bukidnon at Kimkim S Aying, 30, residente ng Purok 6, Brgy. San Martin, Villanueva, Misamis Oriental.
Ayon kay PMaj Serrano, habang nagpapatrolya ay mayroong concerned citizen na nagsumbong tungkol sa pag-iinom ng alak ng dalawang suspek sa loob ng sementeryo.
Agad naman umaksyon ang mga awtoridad at nang sitahin ang dalawang suspek ay agad itong nagalit, nanakit at pinagsisigawan ang mga rumespondeng pulis.
Mahaharap ang dalawang suspek sa kasong Direct Assault at Resistance and Disobedience to Person in Authority.
“Para sa kaligtasan at mapayapang undas, pinapaalalahanan ko ang lahat na sumunod sa mga panuntunan ng lokal na pamahalaan, lalo na sa mga ipinagbabawal na gawain. Mariing ipatutupad ng PNP ang batas, upang maparusahan ang sinumang lalabag nito,” pahayag ni PBGen Coop.
Panulat ni Patrolman Edwin Baris/RPCADU 10
