Iloilo – Arestado ang dalawang Street Level Individial matapos makuhanan ng ilegal na droga sa inilunsad na drug buy-bust operation ng PNP sa Brgy Rumbang, Pototan, Iloilo, bandang 5:50 ng hapon ng ika-29 ng Agosto 2023.
Subject ng naturang operasyon si Janer Peñafiel y Miñam, 28 anyos na residente ng Brgy. Cato-ogan, Pototan, Iloilo.
Inaresto rin ang kasama nitong si Welden Abellar y Ibañez, 42 anyos, na residente ng E Lopez, Silay, Negros Occidental.
Ayon kay Police Major Roy Tayona, Hepe ng Pototan Municipal Police Station, nakuha sa dalawa ang siyam (9) na pakete na naglalaman ng pinaghihinalaang shabu kabilang ang buy-bust item, may bigat na 9 gramo at nagkakahalaga ng Php61,200.
Ayon pa kay PMaj Tayona, si Peñafiel na subject ng nasabing buy-bust ay nahuli rin dahil sa ilegal na droga noong 2016 at kakalabas lamang nitong Pebrero ngayong taon.
Nakapiit na ngayon ang nahuling mga drug suspek sa custodial facility ng Pototan MPS para sa tamang disposyon.
Patuloy lamang ang ating kapulisan sa pagsugpo ng ipinagbabawal na droga at hindi tumitigil hangga’t di napapanagot ang mga personalidad na sangkot sa ganitong uri ng ilegal na gawain.
