Las Piñas City — Arestado ang dalawang suspek matapos mahulihan ng baril at droga ng Las Piñas City Police Station sa nangyaring vehicular accident nito lamang Linggo, Pebrero 5, 2023.
Kinilala ni PBGen Kirby John Kraft, District Director ng Southern Police District, ang mga suspek sa pangalang Jefferson l, 32 at Raymund, 39.
Ayon kay PBGen Kraft, bandang 1:30 ng madaling araw naganap ang operasyon sa kahabaan ng Alabang-Zapote Rd., Barangay Pamplona Uno, Las Piñas City ngunit nagtangka pang tumakas ang mga suspek na agaran din namang naaresto sa Neltex Real St. Brgy Pamplona, Las Piñas City ng mga tauhan ng Pamplona Sub-station ng Las Piñas CPS.
Narekober sa kanila ang isang 9mm Pietro Beretta Handgun na may defaced serial number, limang 9mm live ammunition at tatlong heat-sealed transparent plastic sachet na naglalaman ng hinihinalang shabu na tinatayang anim na gramo ang bigat at may street value na Php40,800.
Reklamong paglabag sa Seksyon 11 Artikulo II ng RA 9165 o Comprehensive Dangerous Drugs Act of 2002 at paglabag sa RA 10591 o Comprehensive Firearms and Ammunition Regulation Act ang kahaharapin ng suspek.
Ang Pambansang Pulisya ay patuloy na magsasagawa ng police visibility sa mga lansangan upang mabilis na mahuli ang mga indibidwal na lumalabag sa batas.
Source: SPD PIO
Panulat ni PSSg Remelin M Gargantos
