Arestado ang dalawang indibidwal sa kasong paglabag sa Republic Act 10591 o “Comprehensive Firearms and Ammunition Regulation Act” matapos makuhanan ng di lisenyadong baril ng mga otoridad sa Barangay Gang, Sultan Kudarat, Maguindanao del Norte nito lamang ika-2 ng Enero 2025.
Kinilala ni Police Lieutenant Colonel Esmael Madin, Chief of Police ng Sultan Kudarat Municipal Police Station, ang mga suspek na sina alyas “Sony”, 20 anyos at alyas “Jay”, 24 anyos, pawang mga construction worker at residente ng Barangay Macaguiling ng nasabing bayan.
Bandang 1:00 ng madaling araw habang nagpapatrolya ang mga tauhan ng Sultan Kudarat PNP, nang napansin ang dalawang kahina-hinalang lalalaki na nakaantabay sa isang gasoline station, nang lapitan ng mga otoridad at suriin, nakitaan ang mga ito ng dalawang di lisensyadong caliber 45 pistol at dalawang magasin na may mga bala.
Ang matagumpay na operasyon na ito ay patunay ng masigasig na pagtutulungan ng PNP at iba pang ahensya ng gobyerno sa pagpapatupad ng batas at pagsugpo sa mga iligal na gawain partikular ang mga iligal na baril sa kanilang nasasakupan.
Panulat ni Pat Veronica Laggui
