Timbog ang dalawang High Value Individual sa isinagawang buy-bust operation ng Southern Police District na humantong sa pagkakasamsam ng Php680,000 alaga ng shabu nito lamang Miyerkules, Enero 15, 2025.
Kinilala ni Police Brigadier General Manuel J Abrugena, District Director ng SPD, ang mga nadakip na suspek na sina alyas “Sheila”, 27 anyos, at alyas “Michael”, 33 anyos.
Ayon kay PBGen Abrugena, ang operasyon ay pinangunahan ng Southern Police District’s Drug Enforcement Unit (DDEU-SPD) sa pakikipagtulungan ng District Intelligence Division (DID-SPD) at Sub-Station 9 ng Taguig City Police Station, dakong 11:10 ng gabi malapit sa isang lokal na convenience store sa Barangay New Lower Bicutan, Taguig City.
Nakumpiska ng pulisya ang humigit-kumulang 100 gramo ng shabu na may tinatayang street value na Php680,000, isang Php1,000 at 49 na piraso ng pekeng Php1,000 bill na ginamit bilang buy-bust money, at isang Android smartphone.
Kasong paglabag sa Republic Act 9165 o mas kilala bilang “Comprehensive Dangerous Drugs Act of 2002” ang kakaharapin ng mga suspek.
Tiniyak ng SPD na hindi titigil sa pagsagawa ng operasyon kontra kriminalidad lalo na sa may kinalaman sa ilegal na droga para makamit ang isang maunlad at mapayapang pamayanan.
Source: SPD PIO
Panulat ni PSSg Remelin M Gargantos
