Navotas City – Tinatayang Php340,000 halaga ng shabu ang nasabat sa dalawang High Value Individual (HVI) ng Navotas City sa buy-bust operation ng Northern Police District nito lamang Miyerkules, Abril 27, 2022.
Kinilala ni PBGen Ulysses Cruz, District Director ng Northern Police District ang mga naarestong suspect na sina Mark Beltran y Drilon alyas “Kael”, at Smack Baylan y Pajares, aka “Makoy” pawang mga residente ng Lungsod ng Navotas.
Ayon kay PBGen Cruz, bandang alas-10:00 ng gabi nahuli ang dalawang suspek sa kahabaan ng Salmon Street, Barangay Longos, Lungsod ng Malabon sa pinagsanib puwersa ng District Drug Enforcement Unit–NPD at PDEA.
Nakumpiska sa mga suspek ang dalawang medium size heat-sealed transparent plastic sachet at isang buhol na transparent plastic sachet na pawang naglalaman ng hinihinalang shabu na humigit-kumulang 50 gramo at nagkakahalaga ng Php340,000, isang tunay na Php500, labing-dalawa na Php500 boodle money na ginamit bilang buy-bust money, at isang navy blue pouch.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang NPD PNP ay patuloy ang kampanya kontra ilegal na droga upang makamit ang ligtas at tahimik na pamayanan.
Source: NPD PIO
###
Panulat ni PSSg Remelin Gargantos
