Negros Occidental – Arestado ang dalawang HVI sa isinagawang buy-bust operation ng mga operatiba ng Silay Component City Police Station sa Sitio Pulo, Brgy. Mambulac, Silay City, Negros Occidental, noong ika-1 ng Pebrero 2023.
Kinilala ni Police Lieutenant Colonel Mark Anthony Darroca, Chief of Police ng Silay Component City Police Station, ang mga suspek na sina Ma. Chin-chin, 27, at ang live-in partner nitong si Jeffrey, 24, pawang mga High Value Individual at residente ng nasambit na lugar.
Naaresto ang mga suspek matapos itong magbenta ng isang pakete ng pinaghihinalaang shabu sa isang poseur buyer.
Narekober sa mga ito ang 14 sachets ng hinihinalang shabu na may timbang na 52 gramo na may Standard Drug Prize na Php353,600, isang unit ng Cal .45 Pistol STI Tactical, isang magazine, mga bala at Php7,500 na buy-bust money.
Ang matagumpay na pagkakahuli sa mga subject person ay bunga ng mas pinaigting at patuloy na kampanya ng Silay City PNP kontra ilegal na droga.
