Baguio City – Timbog ang dalawang High Value Individual (HVI) sa ikinasang buy-bust operation ng mga awtoridad sa Padre Burgos, Baguio City nito lamang ika-21 ng Oktubre 2023.
Matagumpay ang nasabing operasyon ng pinagsanib pwersa ng PDEA CAR kasama ang PDEA CAR RSET, PDEA CAR LTIU at Baguio City Police Station 7.
Kinilala ni Police Colonel Francisco Bulyawan Jr., City Director ng Baguio City Police Office, ang naarestong suspek na sina alyas “Rose” at “Jelyn”, residente ng naturang lugar.
Nakuha mula sa suspek ang 1.5 gramo ng hinihinalang shabu na nagkakahalaga ng Php34,000, assorted drug paraphernalia, at boodle money.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang pagkakaaresto sa suspek ay bunga ng walang humpay na pagpapatupad ng batas upang masigurado ang kapayapaan at katahimikan sa ating pamayanan.
