Capiz – Timbog ang dalawang High Value Individual sa isinagawang anti-illegal drugs operation ng PNP sa Midtown Hotel, Brgy. III, Roxas City, Capiz nito lamang ika-22 ng Oktubre 2022.
Naaresto ang suspek sa pinagsanib na pwersa ng Capiz Police Provincial Drug Enforcement Unit, Station Drug Enforcement Team ng Roxas Component City Police Station at sa koordinasyon sa Philippine Drug Enforcement Agency.
Kinilala ni Police Colonel Jerome Afuyog Jr., Officer-In-Charge ng Capiz Police Provincial Office, ang mga suspek na sina Sean Vidal y Martillino, High Value Individual, 38, Top 4 sa PNP-PDEA Illegal Drugs Watchlist, Provincial Level at residente ng Brgy. Basiao, Ivisan, Capiz at si Russel Abellar y Hierro, High Value Individual, 23 at residente ng Brgy. Loctugan, Roxas City, Capiz.
Ayon kay PCol Afuyog Jr., nakumpiska sa mga suspek ang 32 piraso ng heat-sealed transparent plastic sachets na naglalaman ng hinihinalang shabu at isang piraso ng heat-sealed transparent plastic sachet na naglalaman ng hinihinalang shabu na ginamit bilang buy-bust item na may kabuuang timbang ng 165 gramo na nagkakahalaga ng Php1,122,000 at ibang pang kagamitan.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Capiz PNP ay patuloy na paiigtingin ang kampanya laban sa kontra ilegal na droga at kriminalidad para sa mas maayos at maunlad na komunidad.
