Camp Carlos Delgado, Catarman, Northern Samar – Nakatanggap ng tig-Php13,500 ang dalawang dating miyembro ng Communist Terrorists Group (CTG) na sumuko sa 1st Northern Samar Provincial Mobile Force Company bilang kabayaran para sa kanilang serbisyong ibinigay sa loob ng dalawang buwan na pinagkaloob ng Pamahalaang Panlalawigan ng Northern Samar noong Hunyo 8, 2022.
Ayon kay Police Lieutenant Colonel Edwin Oloan Jr, Force Commander ng 1st NSPMFC, ang mga dating rebelde ay nagtrabaho bilang mga magsasaka sa ilalim ng programa ng nasabing lalawigan na naglalayong mabigyan sila ng mapagkukunan ng pamumuhay upang makapagsimula ng panibago sa kani-kanilang pamilya.
Ayon pa kay PLtCol Oloan, ito ay isang malinaw na pagpapakita ng patuloy na suporta ng Pamahalaang Panlalawigan ng Northern Samar sa ating mga dating rebelde na naging Peace Advocates sa pagbabalik ng kanilang normal na buhay habang tinitiyak ang kanilang mapayapa at ligtas na buhay kasama ang kanilang mga mahal sa buhay.
“Ang pag-alis sa CTG ay ang kanilang pinakamahusay na desisyon sa buhay. Muli kong hinihikayat ang komunidad lalo na ang mga opisyal ng barangay na patuloy na makipagtulungan sa amin sa pagwawakas ng armadong tunggalian patungo sa isang mapayapa at progresibong lalawigan ng Northern Samar”, mensahe ni PLtCol Oloan.
###
Panulat ni Patrolwoman Rialyn B Valdez
