Malabon City – Tinatayang Php145,520 halaga ng shabu ang nasabat sa dalawang fish vendor sa isinagawang buy-bust operation ng Station Drug Enforcement Unit ng Malabon City Police Station nito lamang Martes, Agosto 1, 2023.
Kinilala ni Police Brigadie General Rizalito Gapas, District Director ng Northern Police District, ang mga suspek na sina alyas “Aye”, Pusher/Listed, 42, fish vendor, may asawa; at alyas “Bonan”, User/Listed, 43, fish vendor, na pawang mga naninirahan sa Malabon City.
Ayon kay PBGen Gapas, nahuli ang mga suspek bandang alas-4:00 ng madaling araw sa kahabaan ng Leoño Street, corner Rizal Ave Extension Brgy. Tañong, Malabon City.
Nasamsam sa mga ito ang anim (6) na piraso ng maliliit na heat-sealed transparent plastic sachet na pinaghihinalaang shabu na may kabuuang timbang na humigit kumulang 21.4 gramo at nagkakahalaga ng Php145,520; isang (1) pirasong Php500 na ginamit bilang buy-bust money; at isang (1) pirasong kulay pink na coin purse.
Pansamantalang nakakulong sa Custodial Facility ng nasabing istasyon ang mga suspek kung saan kahaharapin nila ang kasong paglabag sa RA 9165 o Comprehensive Dangerous Drugs Act of 2002.
Mananatiling alerto ang Pambansang Pulisya sa anumang uri ng kriminalidad lalo sa mga ilegal na droga at pananagutin sa batas ang lahat ng indibidwal na lalabag dito.
Source: NPD PIO
Panulat ni PSSg Remelin M Gargantos
