Tacloban City – Timbog ng Tacloban City Police Station 1 at PDEA 8 ang dalawang drug personalities sa Brgy. 109 V&G Tacloban City noong Sabado, Hulyo 8, 2022.
Kinilala ni Police Captain Concas A Castello, Office-in-Charge ng Tacloban City Police Station 1, ang mga naaresto na sina alyas “Andy” at “Bar”, parehong nasa legal na edad at residente ng Brgy. 64 Bliss Sagkahan, Tacloban City.
Ayon kay PCapt Castello, naaresto sina alyas “Andy” at “Bar” sa isinagawang buy-bust operation ng pinagsanib na pwersa ng Tacloban City Police Station 1 – Drug Enforcement Unit sa pangunguna ni Police Lieutenant Anulfo E Abayan at Philippine Drug Enforcement Unit Regional Office 8.
Nakumpiska sa mga suspek ang mga sachet na naglalaman ng hinihinalang shabu, drug paraphernalia at buy-bust money.
Nahaharap sa kasong kriminal para sa paglabag sa Section 5, 11 at 12 Article II ng R.A. 9165 o Comprehensive Dangerous Drugs Act of 2002.
Ang Tacloban City PNP ay patuloy sa pagsasagawa ng mga operasyon upang mahuli ang mga gumagamit at tulak ng ilegal na droga sa kanilang nasasakupan.
###
Panulat ni Patrolwoman Rialyn B Valdez
