Bontoc, Mountain Province – Nagsagawa ng dalawang araw na “Pencil for a Smile” Outreach Program ang Mountain Province PNP sa paaralan ng Alab, Bontoc, Mountain Province noong Hunyo 23-24, 2022.
Higit kumulang 265 na mag-aaral mula Alab, Balili, at Dantay Elementary School ang niregaluhan ng school supplies at hygiene kits habang ang mga encyclopedia set at complementary teaching aids ay donasyon naman para magamit sa mga paaralan.
Ayon kay Police Colonel Ruben B Andiso, Provincial Director ng Mountain Province Police Provincial Office, isinagawa ang aktibidad ng mga tauhan ng Mountain Province PPO, Bontoc Municipal Police Station, Provincial Medical and Dental Unit, Provincial Explosives and Canine Unit, Regional Mobile Force Company 1502, mga kinatawan ng Department of Education at ang aktibong grupo ng Pagna’t Montañosa.
Ayon pa kay Police Colonel Andiso, nagsagawa din ang mga tauhan ng pulisya ng impormasyon at edukasyon sa pag-iwas sa krimen, personal na kaligtasan at kamalayan sa seguridad, mabuti at masamang pakikipag-ugnayan sa iba, kaalaman sa mga numero o hotline na tatawagan sa panahon ng emergency.
Samantala, ang mga kinatawan ng Dep-Ed naman ay nagbigay aral sa mga paksang tumatalakay sa anti-bullying sa loob ng mga paaralan.
Dagdag pa ni Police Colonel Andiso, ang magagandang aral, tamang kaalaman sa pag-iwas sa krimen at pagmamalasakit sa kapwa at pamayanan ay dapat isapuso’t isip ng mga bata.
###
