Sarangani Province – Dahil sa patuloy na paghahatid ng serbisyo ng pulisya sa probinsya ng Sarangani sa pamamagitan ng Community Outreach Program, dalawang miyembro ng Communist Terrorist Group (CTG) ang boluntaryong sumuko sa mga awtoridad habang umaarangkada ang naturang programa sa Centro, Brgy. Batian, Maitum, Sarangani Province nito lamang ika-21 ng Agosto 2023.
Kinilala ni Police Colonel Deanry Francisco, Officer-In-Charge ng Sarangani Police Provincial Office (SPPO), ang dalawang sumuko na sina alyas “Bwen”, 63 at alyas “John”, 22, pawang mga residente ng nasabing lugar at dating miyembro ng teroristang grupo mula sa Guerilla Front Musa (GF 73), Far South Mindanao Region (FSMR).
Kasabay naman ng pagsuko ng dalawa, ay binasahan ng kanilang mga karapatang konstitusyon dahil sa kinakaharap na kasong Murder batay sa Warrant of Arrest na walang rekomendadong piyansa.
Samantala, kasama ring isinuko ni alyas “Bwen” ang armas nitong Cal. 357 revolver pistol.
Patuloy naman ang panawagan ni PCol Francisco sa mga natitira pang miyembro ng CTGs na magbalik-loob sa pamahalaan upang mapakinabangan ang mga programa at benipisyo ng gobyerno na nakalaan para sa ikabubuti ng kanilang buhay at para makamit ang kapayapaang matagal na nating inaasam-asam.
Panulat ni Patrolman Khnerwin Jay A Medelin
