San Mariano, Isabela – Boluntaryong sumuko ang dalawang miyembro ng Communist Terrorist Group sa mga kapulisan ng Isabela nito lamang Martes, Hulyo 12, 2022.
Kinilala ni Police Lieutenant Colonel Jeffrey Raposas, Force Commander, 1st Isabela Provincial Mobile Force Company ang mga sumuko na sina alyas Allan, 43; at alyas Jimmy, 47; parehong may asawa, at kapwa regular na NPA in the Barrio ng Sitio Lucban, Brgy. Dibuluan, San Mariano, Isabela.
Dagdag pa ni PLtCol Raposas, napadali at naging matagumpay ang pagsuko ng dalawa dahil sa patuloy na pagpapaigting ng Retooled Community Support Program gaya ng Project MASK (Malasakit Akmang Sagot sa Krisis) at PROJECT SUBLI (Sarili mo’y Uusad Biyayang Pangkabuhayang Laan na Aming Igagawad) na inisyatibo ng himpilan.
Kasabay nito ay isinuko rin ni alyas Allan ang siyam na rifle grenade at 16 na bala ng 7.62 mm na bala.
Pinuri ni Police Colonel Julio R Go, Acting Provincial Director ng Isabela Police Provincial Office ang mga tauhan ng 1st Isabela PMFC, San Mariano MPS, Criminal Investigation and Detection Group- Isabela PFU, 201st Regional Mobile Force Battalion 2, 142 Special Force Company, PNP-Special Action Force, Regional Intelligence Unit 2, at sa pakikipag-ugnayan 86th at 95th Infantry Battalion, 502nd brigade, Philippine Army sa matagumpay na pagsuko ng dalawa.
Patuloy naman na nagsisikap ang mga kapulisan, militar, at ng iba’t ibang ahensya ng pamahalaan sa pagsasagawa ng mga programa alinsunod sa National Task Force to End Local Communist and Armed Conflict (NTF-ELCAC).
Inaasahang sa tulong ng mga programang ito ay maliliwanagan na ang mga natitira pang miyembro ng CTGs sa mga mapanlinlang na ideolohiya ng grupo ay tuluyang magbalik-loob at pakipagtulungan sa gobyerno upang tuluyan ng masugpo ang problema dulot ng insurhensya sa bansa.
Source: 1st Isabela PMFC
###
Panulat ni Patrolwoman Juliet Dayag
