Quezon – Naaresto ang dalawang collector sa ilegal na number games sa operasyon ng Tiaong Municipal Police Station sa Sitio Santuhan, Brgy. Cabay, Tiaong, Quezon bandang 3:00 ng hapon nito lamang Lunes, Enero 23, 2023.
Kinilala ni Police Colonel Ledon Monte, Provincial Director ng Quezon Police Provincial Office, ang dalawang suspek na sina alyas “Dric”, 40, at alyas “Bert”, na pawang mga residente ng naturang barangay.
Ayon pa kay PCol Monte, ang dalawang suspek ay naaktuhang nangongolekta ng bet money ng ilegal na number games dahilan upang sila ay arestuhin.
Narekober sa mga suspek ang labing-isa na STL collection form (lastilyas), dalawang piraso na black ballpen at bet money na Php2,561.
Nahaharap ang mga suspek sa kasong paglabag sa Republic Act 9287 (Bookies).
Ang tagumpay na Tiaong PNP laban sa ilegal na sugal ay isang patunay ang PNP ay hindi titigil sa paglaban sa mga may pakakasala sa batas at iba pang ilegal na aktibidad para manatiling ligtas at maayos ang komunidad.
Panulat ni PEMS Joe Peter V Cabugon/RPCADU4A
