Pasig City – Naaresto ang dalawang Chinese National na nagnakaw ng dalawang milyong piso thru online ng mga operatiba ng Eastern Police District nito lamang umaga ng Huwebes, Marso 3, 2022.
Kinilala ni Police Brigadier General Orlando Yebra Jr, District Director ng Eastern Police District, ang mga suspek na sina Zhengbin Liu at Li Chen Wang na pawang mga Chinese national at nasa wastong gulang.
Ayon kay PBGen Yebra, bandang 4:30 ng umaga naaresto ang mga suspek sa BPO Bldg., Sta. Lucia LRT Station, Marcos Highway, Brgy. Dela Paz, Pasig City ng mga operatiba ng Eastern Police District.
Ayon kay PBGen Yebra, ang dalawang suspek ay nagsabwatan sa pagnanakaw ng pera ng kumpanyang pinagtatrabahuan sa pamamagitan ng paglipat ng pera gamit ang online transactions na nagkakahalaga ng Php2,100,000.
Aniya, natuklasan ito ng complainant na si Alili Tan, isang Malaysian National at representative ng Fuxing Corporation ang ginawa ng mga suspek at sa pagtangay din ng cash na nagkakahalaga ng Php10,000.
Inireport agad ito ni Tan sa mga awtoridad na agad namang inaksyunan ng operatiba ng Eastern Police District na nagresulta sa pag-aresto sa mga suspek at sa pagbawi ng mga ninakaw na pera.
Ang mga suspek ay nahaharap sa kasong qualified theft.
Dahil sa mabilis na aksyon ng mga kapulisan sa pangyayaring ito, lalong tumibay ang tiwala ng mamamayan sa Pambansang Pulisya.
###
Panulat ni Patrolwoman Nica V Segaya
