Iloilo City – Naaresto ang dalawang suspek sa buy-bust operation na ikinasa ng Regional Police Drug Enforcement Unit 6 at Iloilo City Police Station 4 sa Barangay Ta-al, Molo, Iloilo City nito lamang ika-26 ng Hunyo 2022.
Kinilala ni PLtCol Antonio Benitez, Hepe ng RPDEU 6, ang mga naarestong suspek na sina Mark Ulysses Montaño y Carvajal, alyas “Makoy”, 37, residente ng Paho Road, Barangay Dulonan, Arevalo, Iloilo City at si Anthony Amado y Heyres, alyas “Toto”, 32, residente ng East Timawa, Molo, Iloilo City.
Ayon kay PLtCol Benitez naaresto ang mga suspek matapos magbenta sa isang pulis poseur-buyer ng isang sachet ng hinihinalang shabu na nagkakahalaga ng Php15,000.
Ayon pa kay PLtCol Benitez nakumpiska sa mga suspek ang 16 piraso ng plastic sachet na naglalaman ng hinihinalang shabu na may timbang na 55 gramo na nagkakahalaga ng Php374,000, buy-bust money, tatlong unit na cellular phone at iba pang kagamitan.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Sinisiguro ng Regional Police Drug Enforcement Unit 6 na paiigtingin ang operasyon nito upang agad na mahuli ang mga may pananagutan sa batas.
###
