Arestado ang dalawang indibidwal matapos lumabag sa Republic Act 10591 sa magkahiwalay na operasyon ng Southern Police District sa Muntinlupa at Taguig City nito lamang Biyernes, Hunyo 21, 2024.
Ayon Kay Police Brigadier General Leon Victor Z Rosete, District Director ng SPD, naganap dakong 2:40 ng madaling araw ang operasyon na nagresulta sa pagkakahuli ng suspek na si alyas “Jovanie”, 29 anyos sa Barangay Poblacion, Muntinlupa City dahil sa text ng isang concerned citizen na umano’y pagdadala ng suspek ng baril at nagdulot ng alarma sa mga residente.
Narekober ng Poblacion Sub-Station ng Muntinlupa CPS mula sa suspek ang isang unit caliber .22 revolver at dalawang piraso ng caliber .22 live ammunition.
Habang sa Barangay Bagumbayan, Taguig City naman naganap bandang 2:30 ng madaling araw, ang pag-aresto ng Taguig City Police Station sa suspek na si alyas “Celestino”, 42 anyos.
Nahuli ng Sub-station 10 ang suspek na sadyang binabalewala ang Oplan Sita at napansin ng mga awtoridad ang isang baril na nakasukbit sa balakang ng suspek at walang maipakitang kaukulang dokumento.
Narekober din mula sa suspek ang kalibre .45 na baril, isang heat-sealed transparent plastic sachet na naglalaman ng hinihinalang shabu, na humigit-kumulang 5.11 gramo ang bigat na may tinatayang street value na Php34,748.
Mahaharap sa reklamo para sa illegal possession of a firearm sa ilalim ng Republic Act 10591 habang si alyas Celestino ay sa kasong possession of illegal drugs sa ilalim ng RA 9165.
Patuloy naman ang paalala ng SPD na isuko sa mga awtoridad ang mga armas na walang kaukulang papeles upang hindi makapangbiktima pa ng mga inosenteng tao para sa isang tahimik at maunlad na bansa.
Source: SPD PIO
Panulat ni PSSg Remelin M Gargantos
