Occidental Mindoro – Arestado ang dalawang lalaki sa isinagawang Anti-Illegal Gambling Operation ng Rizal Municipal Police Station sa Sitio Ambuyan, Barangay Pitogo, Rizal, Occidental Mindoro noong ika-12 ng Pebrero 2023.
Kinilala ni Police Major Relly Delas Alas, Acting Chief of Police ng Rizal MPS, ang mga suspek na may alyas na “Kiko” at “Lito” na parehong residente ng Rizal, Occidental Mindoro.
Ayon kay PMaj Delas Alas, naaresto ang mga suspek sa isinagawang Anti-Illegal Gambling Operation ng mga tauhan ng Rizal MPS ng saktong naaktuhan ang mga ito na nakikipagsabong sa ilegal na sabungan (Tupada).
Nakumpiska sa mga suspek ang Php500 bet money, at isang live fighting cock, habang tatlo pang fighting cock ang nakumpiska sa iba pang mga suspek na nagawang tumakas patungo sa bulubunduking bahagi ng nasabing lugar.
Ang mga nasabing suspek ay nahaharap sa kasong paglabag sa PD 1602 o ang Simplifying and Providing Stiffer Penalties for Violations of Philippine Gambling Laws.
Ang ating PNP ay hindi titigil sa paglaban sa mga may pagkakasala sa batas at iba pang ilegal na aktibidad para manatiling ligtas at maayos ang komunidad.
Panulat ni Patrolman Erwin Calaus
