Arestado ang dalawang binatilyo ng mga tauhan ng Makati City Police Station matapos magbanta sa biktima habang may dalang baril sa kahabaan ng Salamanca St. at Eduque St., Barangay Poblacion, Makati City nito lamang Linggo, Hunyo 30, 2024.
Kinilala ni Police Colonel Edward M Vutiyog, Chief of Police ng Makati CPS, ang dalawang suspek na sina alyas “Aidzel”, 22 anyos at alyas “Marc”, 20 anyos.
Naganap ang insidente dakong 3:10 ng madaling araw at narekober ang isang caliber .38 revolver na may serial number 775357, anim na live ammunition rounds at isang hand grenade at nahaharap sa kasong paglabag sa Republic Act 10591 at Grave Threats ang dalawang suspek.
Patuloy ang pagpapaigting ng Makati PNP sa pagbantay ng katahimikan at kaayusan sa kanilang nasasakupan.
Source: SPD PIO
Panulat ni PSSg Remelin M Gargantos
