Occidental Mindoro – Arestado ang dalawang suspek sa isinagawang buy-bust operation ng mga tauhan ng Municipal Drug Enforcement Unit ng San Jose Municipal Police Station sa San Jose, Occidental Mindoro noong ika-26 ng Pebrero 2023.
Kinilala ni Police Colonel Jun Dexter Danao, Provincial Director ng Occidental Mindoro Police Provincial Office, ang mga suspek na sina alyas “Burot” at alyas “Irene” na parehas residente ng San Jose, Occidental Mindoro.
Ayon kay PCol Danao, naarestao ang mga suspek sa isinagawang buy-bust operation ng pinagsamang puwersa ng mga tauhan ng Municipal Drug Enforcement Unit ng San Jose Municipal Police Station, PDEA Occidental Mindoro at humigi’t kumulang 50 gramo ng hinihinalang shabu ang narekober sa mga suspek .
Matapos mabilhan si alyas “Burot” ng hinihinalang ilegal na droga kapalit ng 1,000 piso, narekober naman mula kay alyas “Irene” ang isang plastic sachet na naglalaman ng hinihinalang shabu na may street value na Php350,000 pesos.
Ang mga nasabing suspek ay nahaharap sa kasong paglabag sa RA 9165 o mas kilala bilang “Comprehensive Dangerous Drugs Act of 2002.”
Ang lalo pang pagpapaigting ng pagpuksa sa ilegal na droga sa lalawigan ng Occidental Mindoro ay isa lamang sa direktiba ni PCol Danao upang patuloy na magkaroon ng kaayusan at kapayapaan sa kanilang nasasakupan.
Panulat ni Patrolman Erwin Calaus
