Loon, Bohol – Arestado ang dalawang suspek sa ikinasang buy-bust ng mga pulisya sa Barangay Cogon Norte, Loon, Bohol nito lamang ika-7 ng Hulyo 2022.
Kinilala ni Police Lieutenant Amelito Melendres Melloria, Chief of Police ng Municipal Police Station, ang dalawang suspek na sina Cyrile Jane Sardual, 19, residente ng Poblacion Norte, Carmen, Bohol at si Catherine Pantinople, 21, residente ng Villahermosa, Carmen, Bohol na napag-alaman na isang High Value Individual sa nasabing lugar.
Ayon kay PLt Melloria, naaresto ang dalawang suspek bandang 2:30 ng umaga sa Barangay Cogon Norte, Loon, Bohol ng mga operatiba ng Municipal Drug Enforcement Team ng Loon Municipal Police Station, RPDEU7 at ng PDEA7.
Nakumpiska sa dalawang suspek ang 30 gramo ng hinihinalang shabu na may Standard Drug Price na Php204,000.
Nahaharap sa kasong paglabag sa section 5 at 11 ng Article II ng RA 9165 o ang Comprehensive Dangerous Drugs Act of 2002.
Ang tagumpay ng Bohol PNP sa kanilang operasyon kontra ilegal na droga ay kanilang sinisiguro na ipagpapatuloy upang mawakasan ang mga kriminalidad para sa maayos at mapayapang komunidad.
###
Panulat ni Patrolman Carl Philip L Galido
