Timbog sa isinagawang operasyon ng mga operatiba ang dalawang lalaki dahil sa pagkakasangkot sa gun-running activity sa Brgy. Macabiso, Sultan Mastura, Maguindanao del Norte nito lamang ika-14 ng Enero 2024.
Kinilala ni Police Lieutenant Colonel Ariel Huesca, Officer-In-Charge ng Criminal Investigation and Detention Group Regional Field Unit (RFU) Bangsamoro Autonomous Region, ang suspek na si alyas “Datuan”, residente ng Macabiso at alyas “Daniel” na residente naman ng Kalangan Uno, Cotabato City.
Nakumpiska mula sa dalawang suspek ang isang calibre 5.56 M16 rifle, BFI Windham na nakalagay sa isang brown rifle bag, isang sasakyang Nissan Almera na kulay Titanium Gray, Php200,000 na boodle money at Php500 na marked money.
Nahaharap ang dalawa sa kasong paglabag sa Section 32 ng Republic Act 10591 o “Comprehensive Firearms and Ammunition Regulation Act”.
Patuloy na gagampanan ng PRO BAR ang kampanya kontra ilegal na droga at kriminalidad upang mapanatili ang maayos at ligtas na Rehiyong Bangsamoro.
Panulat ni Patrolwoman Ma Señora Agbuya
