Pinasinayaan ang bagong farm-market pathway sa Brgy. Mayaon, Montevista, Davao de Oro noong Setyembre 25, 2021.
May habang 2.5 kilometro ang naturang proyekto na sinimulan noong May 1, 2021 at natapos ito nitong September 11, 2021 dahil sa kakulangan sa pondo ngunit hindi ito naging dahilan upang itigil ang konstruksyon nito bagkus mas minabuti ng Revitalied-Pulis sa Barangay Cluster 20 na mas makahanap ng paraan upang maipagpatuloy ito.
Ngayon ay mas mapapabilis na ang transportasyon ng mga magsasaka lalong lalo na ang kanilang mga produkto na noon ay pahirapan ang pagdadala nito sa bayan upang maibenta.
Kaya naman, labis ang pasasalamat ng komunidad dahil matatapos na ang ilang taong pagtitiis sa maputik at masukal na daan, ngayon ay tinatamasa na nila.
Kabilang naman sa mga dumalo sa ribbon-cutting at turn-over ceremony ay sina Mrs. Nerica Dia Marie B. Franco, Department of Interior and Local Government (DILG) Officer ng Montevista; Hon. Adelino B. Jimena, Barangay Captain; Mrs. Rojelyn Rebuyas, Chairman ng Purok 11; at ang R-PSB Team Montevista sa pamumuno ni PLt Cheng-Cheng B Dianga.
####
Article by: PCpl Romulo Cleve M Ortenero
