Nagsagawa ng Community Outreach Program ang mga tauhan ng 1st Zambales Provincial Mobile Force Company sa pamamagitan ng Awareness Lecture at Feeding Program para sa mga residente ng Barangay Poblacion, Candelaria, Zambales nito lamang Biyernes, ika-4 ng Oktubre 2024.
Ang aktibidad ay sa ilalim ng pamumuno ni Police Lieutenant Colonel Julius Caesar D Noveno, Force Commander ng 1st Zambales PMFC, katuwang ang Barangay Officials, BHW, Samahang Kababaihan at miyembro ng 4Ps ng naturang lugar.
Nagbahagi rin ng kaalaman patungkol sa Republic Act 11313 (Safe-Space Act), Anti-Rape Law at RA 9262 (Anti-Violence Against Women and Their Children Act of 2004) at ang BIDA Program (Buhay Ingatan, Droga ay Ayawan) at kasabay nito ang pamimigay ng libreng pagkain para sa ating mga mamamayan na labis naman na ikinatuwa ng mga benepisyaryo.
Patunay lamang na ang Pambansang Pulisya katuwang ang iba pang ahensya ng pamahalaan ay handang tumulong at may pagmamalasakit sa kapwa upang iangat, at suportahan ang bawat isa sa pamamagitan ng libreng serbisyo kabilang na ang pamimigay ng pangangailangan, usaping pangkalusugan at iba pang mga proyekto sa mga mamamayan.
Panulat ni Pat Maria Ella Garcia
