Northern Samar – Bukas palad na tinanggap ng mga tauhan ng First Northern Samar Provincial Mobile Force Company ang sumukong pitong miyembro ng Communist Terrorist Group sa Brgy. McKinley, Catarman, Northern Samar nito lamang ika-8 ng Mayo 2023.
Kinilala ni Police Major Norman Kiat-Ong Jr, Officer-In-Charge ng 1st Northern Samar PMFC, ang mga sumuko na sina alyas “Paking/Aladik”, alyas “Win”, alyas “Joey”, alyas “Dapdap”, alyas “Nonoy”, alyas “Enil”, at alyas “Joker”.
Isinuko rin ni alyas “Joker” ang isang kalibre 45 Taurus PT 1911 na may SN 282527, kasama ang magazine at anim na live ammunition.
Ang kanilang pagsuko ay resulta ng pakikipagnegosasyon ng 1st Northern Samar PMFC kasama ang Catarman MPS, 804th MC, RMFB8, SAF 121st SAC 12SAB at 43rd Infantry Battalion, Philippine Army.
Ang mga sumuko ay kasalukuyang nasa kustodiya ng 1st NSPMFC para sa wastong dokumentasyon at validation para sa posibleng pagpapatala sa Enhanced Comprehensive Local Integration Program o E-CLIP ng pamahalaan.
Ang matapang na pagkilos ng mga sumuko ay magiging representasyon na ang mga programa ng gobyerno sa pagwawakas ng armadong pakikibaka ay matagumpay na naipapatupad.
