Eastern Samar – Aktibong nakilahok ang mga tauhan ng 1st Eastern Samar Provincial Mobile Force Company sa isinagawang Bloodletting Activity sa Borongan City, Eastern Samar noong Huwebes, Agosto 25, 2022.
Ang aktibidad ay pinangunahan ng Philippine Red Cross-Eastern Samar Chapter at lahat ng nakilahok at mga donors ay dumaan sa iba’t ibang screening upang masiguro ang kanilang kaligtasan pati na rin ang mga benepisyaryo ng nalikom na dugo.
Ang naturang aktibidad ay naglalayong makalikom, makatulong at makapagbahagi ng libreng dugo sa mga pasyenteng may malalang karamdaman at nangangailangan ng dugo upang madugtungan ang kanilang buhay at maibsan ang alalahanin ng kanilang mga pamilya.
Ang Pambansang Pulisya ay magpapatuloy sa pagsasagawa ng mga ganitong aktibidad upang makapagpaabot ng tulong sa mga kababayan nating nangangailangan ng dugo.
###
Panulat ni Patrolwoman Rialyn B Valdez
