Nakiisa ang 1st Cagayan Provincial Mobile Force Company (PMFC) sa pangunguna ni Police Major Rexon Casaway, Force Commander at Cagayan Internal Affairs Service (IAS) sa pangunguna ni Police Captain Michael Casauay sa Community Outreach Program na ginanap sa Barangay Centro Sur, Gattaran, Cagayan noong ika-5 ng Disyembre 2023.
Katuwang ng grupo ang Department of Labor and Employment Region 2, Junior Chamber Region 2 (JCR), Association of Legal Management Students Cagayan State University Andrews Campus, Young South East Asian Leaders Initiative at College of Medicine Cagayan State University.
Umabot sa 119 na benepisyaryo ang nakatanggap ng grocery packs, school supplies, damit at Noche Buena package.
Bukod dito, nagsagawa rin ang grupo ng libreng konsultasyon, nagbigay din ng libreng gamot, feeding program at libreng gupit.
Nagpapasasalamat naman ang mga benepisyaryo sa mga natanggap nilang tulong mula sa iba’t ibang grupo .
Ang aktibidad ay nagpapakita ng serbisyong nagkakaisa kasama ang iba’t ibang ahensya at pribadong sektor upang makapag-abot ng tulong sa mga nangangailangan.
Source: Cagayan PPO
