May kabuuang 190 na indibidwal ang naaresto sa isinagawang One Week Law Enforcement Operations ng Police Regional Office 10 mula Hunyo 27 hanggang Hulyo 3, 2024.
Ayon kay Police Brigadier General Ricardo G Layug, Jr., Regional Director ng Police Regional Office 10, 52 na operasyon para sa kasong paglabag sa Republic Act 9165 o Comprehensive Dangerous Drugs Act of 2002 ang naihain na nagresulta ng pagkakaaresto sa 69 na indibidwal at pagkakakumpiska ng 1,710 na gramo ng shabu at 269 na gramo ng marijuana na may Standard Drug Price na Php11,664,651.
Habang sa operasyon laban sa ilegal na sugal ay may naitalang isang operasyon na nagresulta sa pagkakaaresto ng anim na indibidwal at pagkakakumpiska ng Php11,668 halaga ng gamit sa pagsusugal.
Habang 89 na personalidad naman ang naaresto sa pagpapatupad ng Warrant of Arrest na nagresulta ng pagkakahuli ng dalawang Most Wanted Person at 87 na Other Wanted Persons.
Dagdag pa, sa kampanya laban sa loose firearms, 26 ang naaresto at narekober ang 30 small arms at tatlong light weapons at tatlong isinukong baril para sa safekeeping.
“We are committed to maintain the peace and order in our region. Along with the aid of our communities and other agencies, we will continue to intensify our operations to ensure the safety and security of our communities. Again, let us all help each other to attain a safer place to live, work and invest,”, pahayag ni PBGen Layug Jr.
