Binigyang parangal ng Police Regional Office 13 ang 19 tauhan bilang pagkilala sa kanilang natatanging pagganap kasabay ng Monday Flag Raising Ceremony na ginanap sa Camp Col Rafael C Rodriguez, Butuan City bandang 7:45 ng umaga nito lamang ika-8 ng Hulyo 2024.
Pinangunahan ni Police Brigadier Alan Nazarro, Regional Director ng PRO 13, kasama ang mga miyembro ng PRO 13 Command Group.
Nakatanggap ng Medalya ng Kagalingan o Medal of Merit sina PMaj Ferdinand P Tavares, PLt Rosalito H Cagoco, PEMS Jonathan T Timbang, PEMS Jay C Gilbuena, PMSg Lowell F Salino, PSSg Daryl T Pecasales, PSSg Jojie U Busante, PCpl James D Bagas, PCpl Kenny Keith T Madronero, at Pat Jonard Ecot para sa pagkakaaresto sa isang High Value Individual na si alyas “Rol” at pagkumpiska ng 2.87 gramo ng hinihinalang shabu na may market value na Php19,545.92 sa bayan ng Buenavista, Agusan del Norte noong Hunyo 3, 2024.
Ginawaran din ng Medals of Merit sina PMaj Magdalino G Pimentel JR, PLt Bernard De Los Santos Recamara, PMSg Juvy S Pedraverde, PSSg Rhidene O Sano, PSSg Arwin E Duran, PSSg Roy C Asis, PSSg Joebert B Gamay, at Pat Karl David V Villeta para sa matagumpay na pag-aresto sa isang HVI na kilala bilang alyas “Mario” at pagkakakumpiska ng 29.24 gramo ng hinihinalang shabu na nagkakahalaga ng Php198,850.22 sa Bislig City, Surigao del Sur noong Hunyo 29, 2024.
Samantala, ginawaran din si Non-Uniformed Personnel Ferdinand T Morano ng Medalya ng Papuri para sa kanyang siyam na taon at anim na buwan (9 1/2) bilang Crime Registrar ng Magallanes Municipal Police Station sa Agusan del Norte.
“My warmest congratulations to the awardees, know that your stories prove that, with teamwork and a strong sense of duty, we always succeed in our daily tasks. To all of us, I encourage you to face what lies ahead with heads held high and hearts focused on service, honor, and justice,” ani RD Nazarro.
Panulat ni Patrolwoman Karen Mallillin
