Cagayan de Oro City – Tinatayang Php476,360 halaga ng hinihinalang shabu ang nakumpiska sa 19 anyos sa ikinasang buy-bust operation ng Cagayan de Oro City PNP sa Zone 1, Brgy. Canitoan, Cagayan de Oro City bandang 6:53 ng gabi nito lamang Hunyo 20, 2023.
Kinilala ni Police Major Dennis Flores, Station Commander ng Cagayan de Oro City Police Station 8, ang suspek na isang High Value Individual at kasama sa Directorate for Intelligence listed na si alyas “Sherwin”, 19 at residente ng nasabing lugar.
Nakuha sa operasyon ang dalawang malaking pakete ng hinihinalang shabu na may bigat na 70.2 na gramo na may Standard Drug Price na Php477,360, isang Android Cellphone at isang pirasong Php1,000 bill na ginamit bilang buy-bust money.
Nahaharap ang suspek sa kasong paglabag sa Section 5 at 11 Art II ng RA 9165 o Comprehensive Dangerous Drugs Act of 2002.
Pinuri naman ni Police Brigadier General Lawrence Coop, Regional Director ng Police Regional Office 10 at narito ang kanyang pahayag, “I commend PS-8 Lumbia, COCPO for successfully carrying out this operation. PRO10, under my watch, will not let-up with its campaign against illegal drugs. Katuwang po ang ibang ahensya at komunidad, kami po ay patuloy na magsusumikap upang makamit natin ang kapayapaan at drug-free na rehiyon”.
Panulat ni Patrolman Joshua Fajardo/RPCADU10
