Negros Occidental – Arestado ang isang 19-anyos na tinuturing bilang High Value Individual sa inilunsad buy-bust operation sa Seaview Subd., Brgy. Guinhalaran, Silay City, noong Biyernes, ika-9 ng Hunyo 2023.
Sa pinagsamang mga operatiba ng Silay Component City Police Station ay naaresto ang nasabing 19-anyos na lalaki na residente ng Antonio Luna, Brgy. Mambulac sa lungsod ng Silay.
Ayon kay Police Lieutenant Colonel Mark Anthony Darroca, Hepe ng Silay City PNP narekober sa posesyon nito ang dalawang knot-tied na plastic sachets at walong piraso ng selyadong pakete na parehong naglalaman ng pinaniniwalaang shabu at tumitimbang ng 120 gramo na may tinatayang halaga na Php816,000.
Maliban sa mga droga, nakuha din sa kanya ang Php14,000 na ginamit bilang buy-bust money at ibang non-drug items.
Patuloy pa rin ang isinasagawang hakbangin ng Negros Occidental PNP upang mahuli ang mga taong gumagawa ng ilegal na aktibidad partikular na sa pagbebenta ng ilegal droga.
