Caloocan City — Tinatayang nasa Php544,000 halaga ng umano’y shabu ang nasamsam sa isang lalaking High Value Individual sa buy-bust ng Northern Police District nito lamang Biyernes, Enero 13, 2023.
Kinilala ni PBGen Ponce Rogelio Peñones Jr., District Director ng NPD, ang suspek na si alyas “Jermy” na tinaguriang High Value Individual, 19, residente ng No.1 Ilalim ng Tulay, Barangay Balumbato, Balintawak, Quezon City.
Ayon kay PBGen Peñones Jr, bandang 1:00 ng madaling araw nang maaresto si alyas “Jermy” sa kahabaan ng G. De Jesus St., Barangay 139, Caloocan City ng mga operatiba ng DDEU-NPD kasama ang PDEA.
Nakumpiska sa suspek ang isang transparent plastic sachet at dalawang buhol na transparent plastic bag na naglalaman ng humigit kumulang 80 gramong hinihinalang shabu at nagkakahalaga ng Php544,000.
Nakulimbat rin ang isang genuine na Php500 at anim na Php500 boodle money na ginamit bilang buy-bust money, at isang brown na paper bag na may 7-Eleven na label.
Patuloy namang paiigtingin ng pulisya ang police visibility sa lansangan ng Northern Metro kaugnay sa kampanya kontra ilegal na droga upang matiyak ang kapakanan ng ating mga kababayan at mapanatiling matiwasay ang naturang distrito.
Source: NPD PIO
Panulat ni PSSg Remelin M Gargantos
