Asturias, Cebu – Nagsagawa ang Asturias Police Station ng seminar kaugnay sa pagdiriwang ng 18-Day Campaign to End VAW na ginanap sa Brgy. Poblacion, Asturias, Cebu noong Lunes, ika-5 ng Disyembre 2022.
Ang aktibidad ay pinangunahan ni Police Staff Sergeant Sheryl Espejon, Chief, Women and Children Protection Desk (WCPD) na pinangasiwaan ni Police Major Alden Zambrano, Officer-In-Charge.
Nilahukan ang naturang programa ng mga miyembro ng Barangay Peacekeeping Action Teams (BPATs) na kung saan ay tinalakay sa mga ito ang patungkol sa RA 9262 (Anti-Violence Against Women and their Children Act of 2004), RA 8353 (The Anti-Rape Law of 1997) and RA 11313 (The Safe Spaces Act or Bawal Bastos Law).
Kasabay nito ay nagsagawa rin ng ilang senaryo patungkol sa mga posibleng kaso ng VAWC sa kanilang nasasakupan at kung paano ito kakaharapin.
Ang 18-Day Campaign to End Violence Against Women (VAW) ay isang taunang pagdiriwang na nagsisimula mula Nobyembre 25 hanggang Disyembre 12 na naglalayong itaas ang kamalayan at mga hakbang sa pagprotekta sa karapatan ng mga kababaihan laban sa lahat ng uri ng karahasan na nakabatay sa kasarian.
