Cebu City – Hulog sa kamay ng mga awtoridad ang 18-anyos na lalake makaraang maaresto kasunod ng paghahain ng Warrant of Arrest ng mga tauhan ng Police Station 4, Cebu City Police Office sa J. Luna Ave., Brgy. Mabolo, Cebu City noong Biyernes, Oktubre 27, 2023.
Kinilala ni Police Major Eraño Regidor, Station Commander, ang naaresto na si “John Paul” ng kaparehong barangay.
Dakong alas-3:00 ng hapon, inaresto ang akusado sa bisa ng Warrant of Arrest sa kasong paglabag sa RA 10883 (New Anti-Carnapping Act) na may rekomendadong piyansa na Php300,000.
Sa likod ng masidhing paghahanda para sa BSKE 2023, ang kapulisan ay patuloy sa pagbibigay katuparan sa lahat ng saklaw ng tungkulin para sa tiyak na kaayusan at kaligtasan ng mamamayan at ng komunidad.
