Naka-deploy ang mahigit 160,000 na pulis sa iba’t ibang panig ng bansa dahil sa red alert status para sa seguridad sa National and Local Elections 2025 ngayong darating na Lunes, Mayo 12, 2025.
Ayon kay Police Major General Roderick Augustus Alba, Director ng Police Community Relations, nakahanda ang buong hanay ng PNP.
Ito ang kanyang pahayag, “is all hands on deck” and ready to respond to any eventualities before, on and after the May 12 elections.”
Samantala, may naka-antabay rin na reserve forces ang PNP sa lahat ng Police Regional Office (PRO) na naka-on call at handang ma-augment kung kinakailangan.
Nakahanda rin ang PNP Anti-Cyber Crime Group sa anumang posibleng aktibidad sa pag-espiya.
Nakatala ng 2,863 gun ban violators, 195 nito ay naaresto sa checkpoints hanggang Mayo 8.
Habang naka-blue alert naman ang Philippine Army at naka-deploy ang 23,591 para sa election duties at 21,509 naman ang naka-standby.
Patuloy ang PNP sa kampanya kontra vote-buying at vote-selling sa ilalim ng programang (Kontra Daya) (Anti-cheating) campaign, sa pagsuporta sa COMELEC alinsunod sa panawagan ni President Ferdinand R Marcos Jr, sa malinis at tapat na election.
