Davao del Norte – Kalaboso ang isang 16 anyos na lalaki sa kasong pagnanakaw sa patuloy na isinasagawang “Manhunt Charlie” operation ng Kapalong PNP sa Brgy. Maniki, Kapalong, Davao del Norte, noong Abril 14, 2022.
Kinilala ni PMaj Raul Lucas, Officer-in-Charge ng nasabing istasyon ang suspek na si alyas Alexander, 16, residente ng Purok 3, Relocation Site, Brgy. Maniki, Kapalong, Davao del Norte.
Ayon kay PMaj Lucas, naaresto ang suspek sa bisa ng Warrant of Arrest sa kasong Theft o paglabag sa Article 308 ng Revised Penal Code na may inirekomendang piyansa na Php10,000.
Dagdag pa ni PMaj Lucas, dahil ang nasabing suspek ay menor de edad, ito ay dinala sa tanggapan ng Municipal Social Welfare Development ng Kapalong para sa tamang disposisyon.
Bagamat menor de edad ang suspek, papanagutin pa rin ito ng Police Regional Office 11 kung ito ay mapatunayang nagkasala at lumabag sa batas. Patuloy din ang pagsasagawa ng operasyon laban sa kriminalidad ng Rehiyon Onse sa masigasig na pamumuno ni PBGen Benjamin Silo Jr., PRO 11 Regional Director.
###
Panulat ni Patrolman Alfred Vergara
