Gloria, Oriental Mindoro – Nagsagawa ng Tree Planting Activity ang mga tauhan ng 1st Platoon, 2nd Provincial Mobile Force Company Oriental Mindoro sa Sitio Mansaring, Barangay Manguyang, Gloria, Oriental Mindoro noong Nobyembre 13, 2022.
Ayon kay Police Lieutenant Colonel Aldwin Santos, Force Commander ng 2nd Provincial Mobile Force Company Oriental Mindoro, umabot sa 1,500 narra seedlings ang naitanim ng mga grupo sa nasabing barangay.
Kabilang sa nakilahok ang mga miyembro ng Kabataan Kontra Droga at Terorismo, Barangay Peacekeeping Action Team at mga Barangay Officials ng Brgy. Manguyang.
Layunin ng aktibidad na magbigay ng kamalayan sa publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng kapaligiran.
Hinihikayat naman ng PNP ang mga mamamayan na makiisa at makilahok sa mga programa ng Pambansang Pulisya lalo na sa pangangalaga ng ating kalikasan.
Source: Secondpmfc Oriental Mindoro
Panulat ni Patrolman Erwin Calaus
