Sarangani Province – Nagsagawa ng Community Outreach Program ang mga tauhan ng Sarangani Police Provincial Office kasama ang Moro Islamic Liberation Front sa Barangay Tuyan, Malapatan, Sarangani Province nito lamang ika-2 ng Abril 2023.
Pinangunahan ni Police Lieutenant Colonel Benjiel Kirby Bajo, Force Commander ng 1st Sarangani Provincial Mobile Force Company ang aktibidad kasama ang Moro Islamic Liberation Front sa pamumuno ni G. Taher Yusop, 107th BC Unit Commander at ang Lokal na Pamahalaan ng Sarangani.
Mahigit 150 na residente ang naging benepisyaryo ng food packs, tinapay, inumin at kendi para sa mga kabataan.
Kasabay ng aktibidad ay nagturo din ng kaunting kaalaman patungkol sa LIGTAS SUMVAC at Anti-Rape Tips.
Nagpasalamat naman ang mga residente dahil sa taos-pusong pagtulong sa kanila ng pulisya sa kabila ng nararanasan mga sakuna at pandemya.
Ang aktibidad ay naglalayong pagtibayin ang ugnayan ng mamamayan at pulisya tungo sa maunlad, progresibo at mapayapang komunidad.
Panulat ni Patrolman Charnie Atienza Mandia/RPCADU12
