Asipulo, Ifugao – Nagsagawa ang mga tauhan ng 145th Special Action Company ng Community Outreach Program na may temang Launching of Revitalized-Pulis sa Barangay sa Namal, Asipulo, Ifugao nito lamang Nobyembre 05, 2022.
Ang nasabing aktibidad ay pinangunahan ng mga tauhan ng 145th Special Action Company katuwang ang Ifugao 1st Provincial Mobile Force Company, Asipulo MPS, Red Cross, Adventist Medical Mission Team, Asipulo LGU at Barangay Local Government Unit ng Namal.
Ang mga nasabing grupo ay nagbigay ng school supplies, libreng gupit, Medical and Dental Mission at mga tsinelas para sa mga istudyante ng Nangkatengey Elementary School.
Ang aktibidad na ito ay naglalayong mas lalo pang pagtibayin ang samahan ng kapulisan, barangay, at komunidad.
