Davao de Oro – Naisakatuparan ang pagkakabit ng 1,350 metrong black hose sa ilalim ng “Project LiPal” sa tulong ng mga tauhan ng Revitalized-Pulis sa Barangay Cluster 11 at ng mga residente ng Sitio Tipga, Brgy. Napnapan, Pantukan, Davao De Oro, noong Mayo 24-27, 2022.
Ang “Project LiPal” o ang Project Libreng Patubig Installation, ay tumutugon sa isa sa mga pangunahing isyu ng komunidad, ang kakulangan ng sistema ng tubig sa malalayong lugar.
Malayo at matarik man ang daan ay hindi ito naging imposible sa R-PSB Cluster 11 sa pangunguna ni PLt Jeanette Pagulong kasama ang mga tauhan ng Pantukan Municipal Police Station sa pangunguna ni PLtCol Jess Dela Cruz.
Malaki ang naging pasasalamat ng mga residente sa lugar dahil sa wakas ay naisakatuparan na ang kanilang kahilingan na magkaroon ng maayos na linya ng tubig sa kanilang lugar na talaga namang napakaimportate sa ating pang araw-araw na pamumuhay.
Samantala, patuloy naman ang pagpapaabot ng tulong ng R-PSB ng Police Regional Office 11 sa pamumuno ni PBGen Benjamin Silo Jr. ng maraming tulong at serbisyo lalong lalo na sa mga residente na naninirahan sa Geographically Isolated and Disadvantaged Areas (GIDAs).
###
Panulat ni Rose Ann Delmita
