Tarlac – Naghatid ng tulong ang Gerona PNP sa pamamagitan ng Feeding Program sa mga mag-aaral ng Caturay Elementary School, Barangay Caturay, Gerona, Tarlac nito lamang Huwebes, ika-1 ng Hunyo 2023.
Ang naturang aktibidad ay sa ilalim ng pangangasiwa ni Police Lieutenant Colonel Jovy Arceo, Chief of Police ng Gerona Municipal Police Station.
Umabot sa 130 na estudyante ang napakain ng libreng lugaw sa nasabing paaralan.
Layunin ng mga awtoridad na maisulong ang mga programa/aktibidad ng pamahalaan para sa mga kabataan at mapababa ang bilang ng malnutrisyon sa kanilang nasasakupan.
Kaugnay din ang aktibidad sa Community Engagement na isa sa 5-Focused Agenda ni Police General Benjamin Acorda Jr, Ama ng Pambansang Pulisya.
Sinisiguro ng Gerona PNP ang pagpapatibay ng magandang ugnayan sa komunidad para sa pagpapanatili ng kaayusan at seguridad sa kanilang lugar.
Source: Gerona Municipal Police Station
Panulat ni Police Corporl Jeselle Rivera/RPCADU3
