Arestado ang 13 indibidwal kabilang ang isang abogado sa Barangay Laskig, Pidigan, Abra bandang 5:00 ng hapon nito lamang Mayo 10, 2025.
Ayon kay Police Major Joshua B. Mateo, Hepe ng Pidigan Municipal Police Station, rumesponde ang pulisya dahil nagkaroon ng komosyon.
Nadatnan ng mga awtoridad ang dalawang sasakyan na isang black Nissan Navarra na walang plate number at isang white Toyota Hilux na may plate number HAG 5486.
Sa pag-inspeksyon ng pulisya, nakita na armado ng matataas na iba’t ibang kalibre ng baril ang mga sakay nito dahilan upang dinisarmahan at pinadapa ang 13 indibidwal batay sa standard operating procedure ng PNP.
Narekober din sa mga suspek ang mga M16 rifles at .45 caliber pistols, mga bala, tactical gear, at ballistic vests.
Nahaharap ang mga suspek sa kasong paglabag sa Republic Act 10591 o “Comprehensive Firearms and Ammunition Regulation Act” in relation to COMELEC Resolution No. 11067 o Gun Ban, at ang abogado ay nahaharap din sa kasong Obstruction of Justice.
“PRO CAR remains steadfast in its commitment to uphold the rule of law and ensure the safety and security of the public, especially during the election period. We urge all citizens to cooperate with law enforcement agencies and report any suspicious activities,” ang opisyal na pahayag ng pamunuan ng Police Regional Office Cordillera Administrative Region sa ilalim ng liderato ni Police Brigadier General David K Peredo Jr, Regional Director.
Source: Police Regional Office Cordillera Administrative Region
