Masayang ginunita ng mga kawani ng Police Regional Office 7 ang ika-121 st taong anibersaryo ng paglilingkod ng hanay ng PNP sa Camp Sergio Osmeña, Sr., Cebu City nitong Martes, Agosto 30, 2022.
Ang aktibidad ay pinangunahan ni Police Brigadier General Roque Eduardo DP Vega, Regional Director, at masugid na dinaluhan ng alkalde ng Cebu City na si Hon. Michael L Rama, na nagsilbing pangunahing panauhing pandangal at tagapagsalita ng programa.
Dumalo rin sa aktibidad ang PRO 7 Command Group, Regional Staff at pamunuan ng iba’t ibang ahensya ng pamahalaan ng rehiyon.
“Matibay na Ugnayan ng Pulisya at Mamamayan, Tungo sa Pagkakaisa, Kapayapaan at Kaunlaran”, ang naging tema ng naturang anibersaryo ngayong taon.
Binigyang pagkilala sa naturang programa ang ilang miyembro at tauhan ng PRO 7 at maging ng ilang unit nito para sa kanilang huwarang pagganap ng kanilang mga tungkulin.
Samantala, sa naging mensahe ni Mayor Rama, iminungkahi nito ang kanyang taos pusong pasasalamat sa pag-imbita rito upang maging bahagi ng makabuluhang gawain.
Kasabay nito ay siniguro rin ng Alkalde ang pagiging bukas ng kanyang tanggapan at maging ang pulidong suporta nito sa lahat ng mga magiging hakbangin ng kapulisan sa pagpapanatili ng kaayusan at kapayapaan ng komunidad.
