Tiklo ang 12 High Value Individual sa isinagawang buy-bust operation ng mga awtoridad sa Barangay Fatima, General Santos City nito lamang ika-19 ng Hulyo 2024.
Kinilala ang mga suspek na sina alyas Guiang, Cuasing, Sabondo, Elisan, Estrada, Laurente, Cabrera, Valdez, Pasco, Suico, Elyas at Eridiano, na pawang residente ng nasabing lugar.
Bandang 4:40 ng hapon nang isinagawa ang operasyon sa pagsanib pwersa ng mga awtoridad sa pangunguna ng PDEA12 katuwang ang General Santos City PNP Station 7 dahilan upang mabuwag ang nasabing ilegal na operasyon ng mga suspek.
Nakumpiska sa mga suspek ang 14 na pekete ng hinihinalang shabu na may kabuuang bigat na 12 gramo na may Street Drug Price na Php57,000, drug paraphernalia at Php500 bill bilang buy-bust money.
Patuloy ang PNP sa pagpapatupad ng mga programa kontra kriminalidad sa bansa upang mabigyan nang maayos ang payapang pamumuhay ang ating mamamayan sa Bagong Pilipinas.
