South Cotabato – Sinampahan na ng kasong paglabag sa RA 10591 o “Comprehensive Firearms and Ammunition Regulation Act” ang isang lalaki matapos makuhanan ito ng isang 12-gauge shotgun, magazine at bala sa loob ng kanyang pamamahay sa Purok Layos Brgy. Tinongcop, Tantangan, South Cotabato nito lamang ika-28 ng Enero 2023.
Kinilala ni Police Major Randy Apostol, Hepe ng Tantangan Municipal Police Station, ang suspek na si alyas “Joniel”.
Kasalukuyang nasa kustodiya na ng Tantangan PNP ang narekober na baril, magazine at mga bala.
Habang kasong paglabag sa RA 10591 ang nakatakdang isasampang kaso laban sa suspek.
Patuloy naman ang panawagan ng Police Regional Office 12 sa mga gun owners at gun holders na kusang isuko sa mga kapulisan ang mga ilegal na baril at hindi rehistradong armas.
Panulat ni Patrolman Khnerwin Jay A Medelin
