Quezon City – Idineklarang dagdag pwersa ng Pambansang Pulisya ng Pilipinas ang 110 personnel na nagtapos ng Police Community Affairs and Development (PCAD) Course na idinaos sa Maringal Hall, Forensic Group, Kampo Krame, Quezon City bandang 10:00 ng umaga nito lamang Martes, Setyembre 5, 2023.
Ito ay pinangasiwaan ng Police Community Affairs and Development Group sa ilalim ng liderato ni Police Brigadier General Lou Evangelista, Director katuwang ang PCADG Command Group at PNP Training Service.
Binigyang parangal ang mga piling personnel na nagpamalas ng kagalingan, kahusayan at kinilala ang mga indibidwal na may ipinamalas na gawa upang maging matagumpay ang naturang 45-day PCAD Course.
Naging Keynote Speaker ang Acting Director ng Police Security and Protection Group na si Police Colonel Rogelio Simon.
Sa mensahe ni PCol Simon ay hinimok nito ang mga bagong PCAD Specialists na gamitin ang lahat ng natutunan sa pagpapataas ng morale ng PNP at maging tulay upang mas maging epektibo ang pakikipag-ugnayan sa komunidad upang labanan at tuldukan ang kriminalidad, insurhensiya at terorismo na hadlang sa pagkamit ng kaunlaran sa ating bayan.
Panulat ni PSSg Grace Neville Ortiz
