Balingasag, Misamis Oriental – Pormal na sinampahan ng kasong Parricide ang 11 na suspek sa isinagawang follow-up operation ng Balingasag PNP nito lamang Agosto 30, 2022.
Kinilala ni Police Major Teodoro De Oro, Officer-In-Charge ng Balingasag Municipal Police Station, ang mga suspek na sina Nicholas Camongay Cabusas, 45; Romeo Cabusas, Ercilla, 18; Cresanto Ercilla, 21; Reymer Cabusas Carno 30; Charlie Camongay Cabusas, 20; Rochel Cabusas Ercilla, 30; Jocelyn Cabusas Ercilla, 49; Rosalina Camongay Cabusas, 48; Merlinda Camongay Cabusas 48; Jeramil Torres Rotola, 41; at Jesser Torres Rotola, 50, pawang mga residente sa Sitio Palipi, Brgy. Baliwagan, Balingasag, Misamis Oriental.
Habang kinilala naman ang biktima na si Teofila Camongay Cabusas, 75, nakatira din sa nabanggit na lugar kasama ang mga suspek.
Ayon kay PMaj De Oro, nadakip ang mga suspek sa magkaibang oras sa naturang barangay ng mga operatiba ng Balingasag MPS.
Lumalabas sa imbestigasyon na sinunog ang biktima dahil sa paniniwalang panrelihiyon ng kanyang sariling mga anak, apo at kamag-anak.
Nahaharap sa kasong Parricide ang mga suspek.
Pinuri naman ni PBGen Coop ang Balingasag PNP sa agarang paghuli sa mga suspek upang mapanatili ang kaayusan at katahimikan ng kanilang nasasakupan.
Source: Balingasag Municipal Police Station
Panulat ni Police Staff Sergeant Grace Neville Ortiz
